Aleanca Kosova e Re përmes një kumtese për medie, iu shpreh ngushëllime familjarëve të viktimave të sulmit terroristë që ndodhi të premten në Munih.
Ky akt i dhunës ka prekur thellë zemrat tona pasi në mesin e atyre që humbën jetën ishin edhe tre me origjinë shqiptare, thotë kumtesa.
Aleanca Kosova e Re dënon fuqishëm sulmin terrorist, ku humbën jetën 9 persona dhe u lënduan disa të tjerë. Vrasja e qytetarëve të pafajshëm është dëshmi se terroristët dhe terrorizmi nuk zgjedhin, vend, popull, fe dhe racë.
AKR shpreh solidaritetin me shtetin dhe popullin gjerman, duke konsideruar se sulmet e tilla të tmerrshme nuk do të mundin të cenojnë lirinë.
