Pas publikimit të lajmit se Shtimja po feston me vetura zyrtare ka reaguar shefi i inspektorëve komunal të Shtimes Sherif Sherifi.
Sipas zyrës së inspektoratit komunal makina e cila është fotografuar ne fshatin Pjetërshtic ka qenë zyrtarisht pasi inspektori kujdestarë është ftuar nga një qytetarë për problemin rreth një tabele rrugore. Në reagimin e zyrës së inspektoratit thuhet:
“Inspektorët e Shtimës më 1 maj kanë qenë kujdestar për ta inspektuar territorin e saj. Fotografia e cila është dërguar është në Pjetershticë, mirëpo inspektori ka qenë për ta shqyrtuar një kërkese të një qytetari rreth një tabele rrugore. Gjithashtu para këtij restauranti vetura është parkuar përderisa kishte pasur defekte teknike – rrjedhje të ujit. Gjithashtu dëshmojmë se gjatë kësaj dite janë plotësuar dokumentet e punës, numri i kilometrave etj gjë që nuk ka hapësirë për shqetësime”, thuhet ne reagim.
