Ferizaj, 15 Qershor 2019- Prokuroria Themelore në Ferizaj, Departamenti i Krimeve të Rënda, ka paraqitur kërkesë në Gjykatën Themelore në Ferizaj për caktimin e masës së paraburgimit kundër të pandehurit I.P., nga fshati Kaçanik
Prokurori ka deklaruar se ekziston dyshimi i bazuar se i pandehuri me datë 13 Qershor 2019, në ballkonin e shtëpisë së tij, në katin e dytë ka kultivuar bimë narkotike të llojit Canabis Sativa të cilat kishin arritur gjatësinë 10-15 cm, me qëllim të prodhimit të narkotikëve ose substancave psikotrope me të cilën do të kryente veprën penale “Kultivimi i bimës së hashashit, shkurrës së kokainës ose bimëve të kanabisit” nga neni 272 paragrafi 1 të Kodit Penal të Republikës së Kosovës (KPRK).
