Gjashtë nxënës nga Qendra e Kompetencës në Ferizaj pritet që të udhëtojnë në Gjermani, në kuadër të një marrëveshje që Qendra e Kompetencës e ka nënshkruar me firmën gjermane AVO.
Këta nxënës nga drejtimi i kujdesit social dhe shëndetësorë do të qëndrojnë në një spital të Bonit për ta kryer praktikën. Ata thonë se e kanë mirëpritur këtë inisiativë e cila do tu hyjë në punë shumë.
Kjo marrëveshje është realizuar falë Fatmir Ramushollit, një bashkatdhetarë Ii cili jeton dhe punon në Gjermani. Ai me këtë rast ka thënë se me këtë marrëveshje po nisë një kapitull i bashkëpunimit edhe për nxënësit tanë.
“Qëllimi është që kësaj gjenerate ti japim një mundësi që të njoftohet me perspektiva të veçanta si në aspektin mësimor ashtu edhe në aspektin e praktikës , se si zhvillohet në Unionin Evropian, si zhvillohet me një shkollë gjermane , në një nga vendet më të zhvilluara dhe ku plotësohen standardet dhe kriteret në çdo aspekt ligjor” ka thënë Ramusholli.
Kjo marrëveshje u nënshkrua nga Dretjori i Qendrës së Kompetencës, Bashkim Hyseni dhe bashkatdhetarit Fatmir Ramusholli , përfaqësues i kompanisë Gjermane AVO.
Hyseni me këtë rast tha se dëshira për tu ofruar një mundësi të re nxënësve për tu aftësuar jashtë vendit ka qenë e kahmotshme dhe kjo po realizohet tani. Ai tha se marrëveshja është nënshkruar për gjashtë nxënës dhe shpreson se kjo është një nismë që në të ardhmen ky numër të rritet.
“ Këta nxënës në qytetin e Bonit do të jenë në cilësin e praktikantëve, gjithnjë nën mbikqyrje dhe do të jenë të kyqur në kujdesin social dhe shëndetësorë në kujdesin për të moshuar që ofrohet atje. Pas kësaj nxënësit do të kthehen dhe do të vazhdojnë shkollimin atu ku kan mbetur. Ne presim që ky bashkëpunim të jetë I frytshëm dhe në të ardhmen të jetë qelës për të hapur mundësi edhe për të tjerët dhe presim që të jenë ambassador jo vetëm të shkolës sonë porn ë përgjithësi të gjith vendit” ka thënë drejtori BAshkim Hyseni.
Në anën tjetr edhe prindërit e nxënësve e kanë parë këtë rast si një mundësi që fëmijtë e tyre të marrin njohuri praktike në shtetet me një system të avancuar të shërbimit.
Ndërsa nxënësit, përfitues të këtij projekti thonë që janë të emocionuar që u është ofruar një eksperiencë e tillë.
Mësimi dhe praktika për këta nxënës në Gjermani do të zgjatë rreth dy muaj.
