Lëvizja Popullore Shqiptare për Kultivimin e Veprës së Enver Hoxhës, ditë me parë me një apel i është drejtuar Parlamenteve të Gjermanisë, Francës dhe Anglisë, që të rishikohen dhe të shfuqizohen vendimet e Konferencës së Londrës, të cilat sipas kësaj Lëvizje kanë bërë që 2/3 e territorit shqiptar me ato vendime të mbesin jashtë trungut etnik.
Kryetari i kësaj Lëvizje, profesori Remzi Hasani, ka thënë se këtë apel e kanë adresuar në kohën kur po flitet për mundësinë e korrigjimit të kufijve me Serbinë
Bëhet e ditur se vetëm Parlamenti i Britanisë së Madhe u ka kthyer përgjigjen duke i udhëzuar që këtë letër ta adresojnë në Ministrinë e Punëve të Jashtme (MPB) të këtij shteti. Në pritje të përgjigjeve edhe nga dy shtet tjera, kryetari i kësaj Lëvizje , Remzi Hasani, shton se në këtë rast po kërkojnë diçka legjitime
Shqetësues sipas këtij subjekti, janë debatet e brendshme për kufijtë duke harruar se përballë e kanë Serbinë, teksa ka shtuar se revidimi i kufijve duhet ta prekë tërë gjeografinë shqiptare e jo vetëm Kosovën siç po mendohet, ngase shtetet fqinjë mbajnë për vete pjesë të tokave shqiptare
Këtë apel ky subjekt e ka adresuar edhe në Parlamentin Evropian, siç thonë në institucionin që udhëheqë me politikën e Evropës, e cila edhe ka kontribuar më së shumti që trungu ynë etnik të jetë i copëtuar.
