Endrit Uruçi është shpallur fitues i Turnirit mbarëkombëtar të shahut “Përvjetori i Pavarësisë” i cili është mbajtur mbrëmë në Hotel Grand në Prishtinë.
Në një konkurrencë të fortë ku morën pjesë mbi 40 shahistë nga të gjitha viset shqiptare , Endrit Uruçi nga Ferizaj arriti që të grumbulloi më së shumti pikë dhe u radhit në pozitën e parë.
Në këtë Turne morën pjesë garues nga Shqipëria, Kosova, Lugina e Preshevës, nga Maqedonia por pati edhe nga vendet tjera në të cilat jetojnë shqiptarët. Është ky edhe një sukses i radhës i Endrit Uruçit i cili po bënë emër në historinë e shahut ferizajas dhe atij kosovarë.
