28,03,2024

Shënohet Dita Botërore e Infermierisë në Ferizaj

Must Read

Ferizaj– Infermierët e Qendrës Kryesore të Mjekësisë Familjare me rastin e 12 majit “Ditës Botërore të Infermierisë” sot prezantuan punën e tyre profesionale, në një takim, ku përveç infermierëve nga të gjitha qendrat, mori pjesë edhe stafi udhëheqës.

Në fjalën e hapjes, Ushtruesja e Detyrës së Drejtorit, Dr. Ibadete Bucaliu-Ismajli, i përgëzoi infermieret për punën e tyre dhe kontributin që po japin në avancimin e infermierisë familjare dhe ngritjen e cilësisë së shërbimeve.

13217579_1108457149196138_7146016002733610992_o

Gjithashtu, Dr. Ibadete Bucaliu-Ismajli i uroi infermierët për ditën e tyre edhe në emër të kryetarit Muharrem Svarqa dhe drejtorit të DSHMS – së, Dr. Burim Karameta.

Me fjalë rasti u paraqitën edhe Vjollca Ahmeti-kryeinfermiere e Shërbimit Emergjent Primar, Feride Dragoshi – kryeinfermiere në QKMF dhe Viloleta Metushi-përfaqësuese e QKMF – së në Odën e Infermierëve në MSH.

Takimi vazhdoi me prezantime nga infermierët Zahide Gashi, Mirditë Bajrami dhe Xhemajl Jashari të cilët sollën nga një përmbledhje të punës në njësitë e tyre.

Në fund të takimit UD e drejtorit të QKMF – së, Dr. Ibadete Bucaliu ndau mirënjohje për shërbimet në komunitet: Shërbimin për përmirësimin e mirëqenies së nënës dhe fëmijës në komunitet, (QKMF), Kujdesin Paliativ (QMF I, QMF IV), Shërbimin Informues për Shëndetin e Gruas (QMF II), Shërbimin Emergjent Primar, Ekipin e Vaksinimit në Terren, Shërbimin e përpunimit të rasteve në komunitet, Këshillimin për ushqyerjen e fëmijëve të vegjël (QMF III-Greme) dhe Infermierinë Familjare në QTMF. Ndërsa trajnerja e infermierisë familjare shpërndau certifikatat për gjeneratën e dymbëdhjetë të infermierisë familjare. 

13220778_1108456429196210_6077094819182900777_o

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img