Zëvendësministri i Integrimeve Evropiane Ramadan Ilazi sot ka zhvilluar një takim me delegacionin nga Banka Evropiane për Rindërtim dhe Zhvillim (BERZH), lidhur me përfshirjen e prioriteteve zhvillimore të Qeverisë së Kosovës në përgatitjen e Strategjisë Zhvillimore të BERZH-it për Kosovën.
“Gjatë këtij takimi prezantuam prioritetet e Qeverisë së Republikës së Kosovës të përcaktuara në Strategjinë Zhvillimore Kombëtare 2016-2021.Gjithashtu diskutuam për Listën e Projekteve Prioritare të përcaktuara në kuadër të Këshillit Kombëtar për Investime i cili bashkë kryesohet nga Ministria e Integrimit Evropian” ka thënë Ilazi.
Ndërkaq delegacioni i BERZH, i kryesuar prej z. Holger Muent, drejtor për rajonin e Ballkanit Perëndimor, ka shprehur gatishmëri për të mbështetur prioritetet zhvillimore të Kosovës, me fokus të veçantë ato që kanë të bëjnë me komunat e Kosovës.
