25,05,2024

Bashkëpronari arrestohet për vjedhje dhe keqpërdorim të besimit

Must Read

Babush,Ferizaj– Dje pas  mesnatës, policia ka marrë njoftimin se në fabrikën  për prodhimin e dyerve dhe dritareve “Liridoni” në fshatin Babush, janë vjedhur makina dhe pajisje në vlerë rreth 70 mijë euro. Sipas viktimës, N.B. (37 vj.),  i cili e kishte paraqitur rastin, makinat janë vjedhur nga dera kryesore e objektit dhe janë ngarkuar me pirunjerin e fabrikës, ka njoftuar policia e Ferizajt.

Pas ekzaminimit të vendit të ngjarjes, hetuesit informohen se fabrika është në bashkëpronësi të dy personave: N. B.  cili e kishte paraqitur rastin,  dhe të,  B.Ll . (48 vjeç).

Pas hetimeve përmes rrugëve operative të  hetuesve të  Sektorit Rajonal të Hetimeve në Ferizaj, ka rezultuar se rasti i raportuar si vjedhje e rëndë, të jetë keqpërdorim i besimit.

Në cilësinë e të dyshuarit, është intervistuar bashkëpronari, B.Ll, i cili në prezencë të avokatit mbrojtës, deklaron se në emër të shlyerjes së borgjit prej 10 mijë eurosh,  makinat ia kishte dërguar personit,  F.D. i cili e ka pranuar se i ka marrë makinat.

Ndërkohë që hetuesit janë duke punuar edhe në zbardhjen e hollësive të tjera lidhur me rastin, prokurori i shtetit ka urdhëruar që i dyshuari, B. Ll. të dërgohet në mbajtje për 48 orë./FerizajPress

- Advertisement -spot_img
Të fundit

Arrestohet një person në Ferizaj, i dyshuar se ka kryer rrëmbim të një personi në Fushë Kosovë

Me datë 25.05.2024 rreth orës 09:35 policia rajonale e Ferizajt ka pranuar një informatë me telefon nga një femër...

More Articles Like This

- Advertisement -spot_img