Kryeministri i Shqipërisë Edi Rama ka shkruar se po ndjek me shqetësim situatën e përmbytjeve në Maqedoninë fqinje.
Kryeministri shqiptar i cili ndodhet për pushime në plazhin e Dhërmiut ka shkruar në Facebook se është gati për të ndihmuar për çdo gjë që mundet qytetarët e Maqedonisë.
“Ndjekim me dhimbje e shqetësim zhvillimet tragjike ne Maqedoni! Gati për çdo gjë mundemi për të ndihmuar vëllezërit, motrat dhe fqinjet tanë!”, ka shkruar Rama.
Përmbytjet në Maqedoni lanë pas një bilanc tragjik me 22 të vdekur, ndërsa nuk dihet ende fati i 5 personave të tjerë të zilët rezultojnë të zhdukur.
