Sport

Xhudistet fituese në Rusi dhe trajneri do të shpërblehen sot nga shteti


Publikuar më:


majlinda

Sot do të zhvillohet ceremonia e ndarjes së shpërblimeve shtetërore për xhudistet Majlinda Kelmendi, fituese e Medaljes së Artë në Kampionatin Evropian të xhudos që u mbajt në Rusi, dhe Nora Gjakovën, fituese e Medaljes së Bronztë në këtë kampionat.

Pos tyre me medalje do shpërblehet edhe trajneri i xhudisteve, Driton Kuka.

Ky është njoftimi për media që ka lëshuar Ministria e Kulturës, Rinisë dhe Sportit .

“Shpërblimet shtetërore për sportistët ndahen në bazë të Rregullores Nr. 15/2013 për ndarjen e shpërblimeve shtetërore për sportistët që arrijnë rezultate kulminante në garat ndërkombëtare, dhe në bazë të kësaj rregulloreje fituesja e Medaljes së Artë shpërblehet me shumën prej 20 mijë euro, ndërsa fituesja e Medaljes së Bronztë shpërblehet me 8 mijë euro. Ndërkaq, trajneri shpërblehet me gjysmën e shumës së fituesve, përkatësisht 4 mijë euro”, thuhet në njoftimin e ministrisë.

Comments
To Top