Anëtari i Kryesisë së Partisë Demokratike të Kosovës (PDK), Xhavit Haliti ka bërë me dije se kjo parti nuk ka arsye ta refuzojë asnjë subjekt politik për bashkëpunim pas zgjedhjeve të ardhshme.
Ai ka treguar se për interesa të vendit, PDK-ka është e gatshme të bashkëpunojë me secilën parti politike.
Në intervistën dhënë për “Epoka e Re”, Haliti e ka vlerësuar pozitive gatishmërinë e AAK-së dhe të Nismës për të qenë të hapur edhe me PDK-në pas zgjedhje, duke thënë se këto subjekte politike njihen mirë dhe nuk kanë asgjë për të fshehur.
Sipas tij, tani për tani PDK-ja është në koalicion me LDK-në që po funksionon mirë.
Haliti ka thënë se në momentin që mund të ketë mospajtime funksionale në mes të koalicionit, atëherë duhet të zhvillohen takime edhe me partitë e tjera për t’i tejkaluar problemet.
