Lajme

Vuçiq shpall fitoren në zgjedhjet e Serbisë


Publikuar më:


vucic_1461533729-7645781

Kryeministri i Serbisë, Aleksander Vuçiq ka mbajtur një konferencë për medie, në të cilën ka prezantuar rezultatet sipas llogaritjeve të partisë së tij.

Sipas Vuçiqit, “Serbia Fiton”, ku bën pjesë edhe partia e tij, ka marrë 50.9% të votave dhe pret dekretimin e presidentit për formimin e qeverisë së re të Serbisë, transmeton Koha.net.

“Jam pak i lodhur, por shumë i lumtur dhe mirënjohës. Njerëzit e dinë që ne udhëhqim mirë qeverinë dhe mendojmë për të ardhmen e tyre”, ka thënë Vuçiq.

Ai më pas ka thënë se Serbia ka dëshmuar para vetes dhe botës së është e interesuar për demokraci.

“Faleminderit të gjithëve që kemi votuar sot dhe njerëzve që kanë punuar që këto zgjedhje të jenë transparente, gjithashtu edhe njerëzve të mi që zhvilluan një fushatë të mirë”, ka thënë Vuçiq.

Rezultatet e partive tjera, sipas Vuçiqit:

Partia Socialiste e Serbisë – 11.23%
Partia Radikale e Serbisë – 7.39%
Partia Demokratike – 5.44%

Ndërsa për partitë e tjera ai tha se nuk kalojnë pragun, duke përfshirë edhe koalicionin Boris Tadiq, Çedomir Jovanoviq dhe Nenad Çanak, që njihen si më liberalë në Serbi.

Comments
To Top