Ferizaj

Vritet një 48 vjeçar në Kaçanik, breshëri plumbash në drejtim të tij përderisa gjendej në makinë


Publikuar më:



Një person raportohet të jetë vrarë mbrëmë në Kaçanik.
Sipas Policisë së Kosovës, 48 vjeçari me inicialet N.C., është gjetur pa shenja jete në automjet përgjatë rrugës magjistrale Ferizaj-Kaçanik.
Dyshohet se persona të panjohur nga afërsia kanë shti me breshëri plumbash mbi automjet dhe në drejtim të shoferit, e më pas janë larguar nga vendi i ngjarjes në drejtim të panjohur.

Gjithashtu, Policia ka njoftuar se jo shumë larg nga vendi i ngjarjes në fshatin Soponicë është gjetur një automjet tjetër i udhëtarëve, i përfshirë nga flaka. Nga ky rast ekziston dyshimi se personat e dyshuar pasi e kanë kryer vrasjen i kanë vënë flakën automjetit dhe janë larguar.

Në lidhje me këtë rast është njoftuar edhe Prokuroria Themelore në Ferizaj.

Njoftimi i plotë:

VRASJE NË KAÇANIK

Me datën 23.01.2023 rreth orës 23:50 policia e stacionit në Kaçanik ka pranuar një informacion se në rrugën magjistrale Ferizaj–Kaçanik, në Kaçanik të Vjetër një automjet i udhëtarëve ishte jashtë rrugës. Policia e stacionit në Kaçanik menjëherë i ka marrë masat e nevojshme, ka dalë në vendin e ngjarjes dhe policët kanë vërejtur se një person në ulësen e parë të shoferit dyshohej se ishte pa shenja jete. Janë njoftuar ekipet mjekësore të cilët kanë konstatuar se personi është pa shenja jete. Më pas policia ka pranuar një informacion tjetër se në fshatin Soponicë të Kaçanikut afër autostradës një automjet tjetër i udhëtareve ishte përfshirë nga flaka. Ekipet zjarrfikësve kanë dalë në vendin e ngjarjes dhe e kanë shuar zjarrin.

Në lidhje me këtë policët hetues dhe krim teknikët e Sektorit Rajonal të Hetimeve , nën autorizim të prokurorit kujdestar nga Prokuroria Themelore në Ferizaj i kanë marrë veprimet e nevojshme dhe menjëherë i kanë nisur hetimet .

Nga hetimet e para, ekzaminimit të vendit të ngjarjes dyshohet se personi/persona të panjohur në Kaçanik të Vjetër nga afërsia kanë shti breshëri plumbash mbi automjetin dhe shoferin e më pas janë larguar nga vendi i ngjarjes në drejtim të panjohur. Jo larg vendit të ngjarjes në fshatin Soponicë të Kaçanikut është gjetur edhe një automjet tjetër i udhëtarëve i përfshirë nga flaka , ku ekziston dyshimi se personat e dyshuar pasi e kanë kryer vrasjen në Kaçanik të Vjetër i kanë vënë flakën automjetit dhe janë larguar.

Me vendim të prokurorit kujdestar nga Prokuroria Themelore në Ferizaj trupi i pajetë i viktimës N.C (M/K) i moshës 48 vjeçar dërgohet në Institutin e Mjekësisë Ligjore në Prishtinë për obduksion .

Ekipe të Policisë Rajonale të Ferizajt nga sektorë të ndryshëm po punojnë vazhdimisht në grumbullimin e informacioneve në terren për të zbardhur sa më shpejtë rastin .

Për informata tjera do të njoftoheni me kohë.

To Top