Ferizaj

Visar Ymeri bisedon me tregtarët dhe biznesmenët ferizajas, viziton tregun e gjelbër (Foto)


Publikuar më:


Lideri i Lëvizjes Vetëvendosje Visar Ymeri, ka vizituar tregun e gjelbër në Ferizaj, ku edhe ka dëgjuar për së afërmi shqetësimet e tregtarëve ferizajas, kryesisht të atyre që shitnin produktet bujqësore të prodhuara nga vetë ata.

Ai tha se bujqësia është njëra ndër shtyllat e zhvillimit ekonomik të Kosovës por që pushteti aktual e ka lënë në harresë.

“Kemi dalë sot që ta vizitojmë tregun e qytetit të Ferizajt, për t’u takuar me bujqit prodhues të cilët i kanë nxjerrë  produktet e tyre në treg dhe në përgjithësi me njerëzit që sot kanë dalë në treg, për të diskutuar për problemet e përditshmërisë së tyre dhe për çështje të cilat kanë rëndësi për tërë Kosovën. Njëra prej këtyre çështjeve është zhvillimi ekonomik dhe që në Kosovë mund të ndihmohet nga zhvillimi i bujqësisë që është lënë në harresë nga secila qeveri e Republikës së Kosovës deri tani dhe e cila natyrisht që ka ardhur në një gjendje jashtëzakonisht të rëndë për shkak të arsyes së dështimeve të politikës”,tha Ymeri.

Ymeri më tej shtoi se Kosovës i duhet një transformim rrënjësor i politikave aktuale.

“Sot sistemi politik dhe ekonomik në Kosovë e ka instaluar një lloj konkurence për mbijetesë, ndërkohë që një shoqëri e shëndosh do të duhej të bashkëpunonte për një jetesë më të mirë dhe Lëvizja Vetëvendosje e ka këtë edhe në program në alternativën qeverisëse, ku qytetarët e bashkuar dhe forca që prodhohet nga ky bashkim  mund ta sjell ndryshimin e nevojshëm dhe të domosdoshëm për Kosovën. Kosovës i duhet domosdoshmërisht një transformim rrënjësor i politikave dhe i marrëdhënies që institucionet shtetërore kanë me qytetarin”,tha Ymeri.

Ymeri ndër të tjera theksoi se në sektorin e bujqësisë dhe në përgjithësi në ekonomi duhet të merren masa shtetërore, në mënyrë që prodhuesve t’u krijohen hapësira që të mund të zhvillojnë prodhimin e tyre dhe ta bëjnë të konkurrueshëm edhe për tregjet tjera.

14445475_1276825922350123_730274972_n 14454498_1276825919016790_893137001_n 14445401_1276825912350124_1834293715_n 14469264_1276825889016793_1112668649_n 14470848_1276825879016794_1392874427_n

Comments
To Top