19,03,2024

Vitin e ardhshëm digjitalizohet arkivi kadastral

Must Read

Pasditen e sotme, Kryetari i Komunës së Ferizajt, Agim Aliu, deputeti i Kuvendit të Kosovës, Elmi Reçica, drejtori i Drejtorisë së Pronës, Gjeodezisë dhe Kadastrit, Sabri Murseli, pritën në takim, drejtues të Agjencisë Kadastrale të Kosovës, me ç ‘rast temë e diskutimit në këtë takim ishin finalizimi i sistemit të adresave dhe digjitalizimi i arkivit të kadastrit.

Përfaqësuesit e Agjencisë Kadastrale të Kosovës, njoftuan të parin e Ferizajt, Agim Aliu se nga viti i ardhshëm pritet të filloj digjitalizimi i arkivit të kadastrit, përkatësisht azhurnimi i kadastrit të ndërtesave kurse në këtë vit do të mbyllet procesi i sistemit të adresave.

Ushtruesi i detyrës së Drejtorit të Përgjithshëm të Agjencisë Kadastrale të Kosovës, Avni Ahmeti dhe Esat Xani, ekspert i kadastrit nga ky agjencion theksuan rëndësinë e këtij projekti për qytetarët, shërbimin më të shpejt me dokumentet e kërkuara kadastrale si dhe lehtësimin e administratës komunale në ofrimin e këtij shërbimi.

Kryetari i Komunës së Ferizajt, Agim Aliu tha se këto nisma janë të mirëpritura për qeverisjen lokale dhe administratën komunale, paçka i konfirmoi gatishmërinë që të marr përsipër të gjitha obligimet nga niveli lokal, që dalin nga ky proces.

Sistemi i adresave, përkatësisht evidentimi i objekteve/ndërtesave dhe digjitalizimi i shërbimeve kadastrale janë parakushte për shërbime cilësore dhe efikase ndaj qytetarëve si dhe siguri e shtuar e dokumentacionit të ndjeshëm kadastral

- Advertisement -spot_img
Të fundit

Voziti me patentë të konfiskuar, gjobitet 25-vjeçari me 300 euro dhe i vazhdohet masa për 6 muaj të tjerë

Është gjobitur një 25-vjeçar në Ferizaj, i cili u zu nga policia duke vozitur kur atij iu kishte ndaluar...

More Articles Like This

- Advertisement -spot_img