Lajme

Tre të arrestuar për trafikim me qenie njerëzore


Publikuar më:


Arrestim, Ilustrim

Policia e Kosovës, respektivisht Drejtoria për Hetimin e Trafikimit me Qenie Njerëzore në kuadër të luftimit të trafikimit me njerëz në vazhdimësi ka ndërmarr veprime hetimore dhe operacionale për parandalim, identifikim dhe arrestim të përsonave të dyshuar të involvuar në aktivitete të tilla të kunderligjshme.

Rasti 1.

Policia e Kosovës në funksion të parandalimit të trafikimit me njerëz dhe zbatimit të urdhëresës, nga Gjykata themelore në Pejë, për kontroll në rajonin e Pejës, me datë 22.09.2016, në bashkëpunim edhe me inspektorët komunal, sanitarë, të ambientit, të tregut etj, ka realizuar kontrollin në katër lokacione me që rast nga inspektorët kompetent janë hasur parregullsi si në dokumentacionet e nevojshme poashtu edhe në aspektin sanitar. Përveq shqiptimit të gjobave nga inspektorët kompetent janë sekuestruar përkohësisht si prova materiale edhe tre telefona dhe një diviar i kamerave.

Gjatë këtij operacioni janë hasur duke punuar 28 femra shtetase të Shqipërisë, të cilat nuk kanë pasur as leje qendrimi dhe as kontrata pune, si dhe 4 femra kosovare pa dokumentacion përkatëse për punë. Të gjitha veprimet janë ndermarr nga kompetentet duke u bazuar në ligjet e aplikueshme në fuqi.

Rasti 2.

Pas hetimeve të vazhdueshme të zhvilluara nga Sektori Qendror i Hetimeve të Trafikimit me Njerëz, dhe të udhëhequra nga Prokuroria Themelore, departamenti për krime të rënda në Prizren, në bashkëpunim edhe me autoritetet policore të Republikës së Shqipërisë është arrit të grumbullohen prova relevante,  dhe si rezultat i këtyre përpjekjeve me datë 23.09.2016, nën dyshimin për veprën penale “Trafikim me njerëz”, është arrestuar i dyshuari  (S.Q. shtetas i Shqipërisë ) dhe me vendim të prokurorit i njëjti dërgohet ne mbajtje për 48 orë për procedura të mëtejme ligjore.

Rasti 3.

Me datë 23.09.2016, në Gjilan, Policia e Kosovës, ka arrestuar dy persona të dyshuar me iniciale L.K. (1996) dhe F.Q. (1957), shtetas të Republikës së Kosovës, me dyshimin për kryerje të veprës penale “Trafikimi me njerëz”.

Me këtë rast është identifikuar edhe një viktimë e trafikimit, e cila është trajtuar në bazë të procedurave standarede të veprimit të parapara për viktimat e trafikimit.

Me aktvendim të Prokurorit të shtetit, të dyshuarit janë ndaluar për 48 orë për procedim të mëtejm ligjor./Lajmi.net

Comments
To Top