29,03,2024

Thaçi: Kosova synon anëtarësimin në NATO

Must Read

Presidenti i Republikës së Kosovës, Hashim Thaçi, ka pritur sot në takim senatoren amerikane nga shteti i Iowas, Joni Ernst.

Gjatë takimit, Thaçi shprehu mirënjohje për mbështetjen e jashtëzakonshme të SHBA-ve dhe shtetit të Iowas dhënë Kosovës, duke ritheksuar se miqësia me Iowan është më e vjetër se shteti i Kosovës.

Ai theksoi se Kosova, përkundër sfidave që ka përpara, po vazhdon të konsolidohet – si në planin e brendshëm ashtu edhe në atë të jashtëm.

“Mbetemi të palëkundur në përkushtimin tonë që të forcojnë demokracinë dhe qeverisjen në të gjitha nivelet. Jemi në rrugën e duhur në përmbushjen e detyrave dhe obligimeve tona”, ka thënë Thaçi.

I pari i vendit theksoi se Kosova po zhvillon një dialog gjithëpërfshirës për krijimin e Forcave të Armatosura të Kosovës dhe se vendi synon që sa për të bëhet pjesë e Partneritetit për Paqe, si një parakusht për anëtarësim në NATO.

Nga ana tjetër, Ernst theksoi se do të angazhohet edhe personalisht për synimet e Kosovës për t’u bërë anëtare e organizmave kryesorë ndërkombëtarë në fushën e sigurisë. Ajo shprehu dëshirën që bashkëpunimi dhe miqësia mes Kosovës dhe Iowas të thellohen edhe më tej – për të mirën e përbashkët.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img