Të premten në orën 15:00 hapet sistemi online për të tërhequr të hollat nga Trusti.
Përfaqësuesi i Trustit pensional, në një konferencë për media së bashku me kryeministrin Avdullah Hoti, tha se janë duke punuar që paratë e 10% nga trusti, për shumicën e qytetarëve të dalin me datë 22 dhjetor deri 24, para festave të fundvitit.
Ai ka treguar që edhe aplikimi do të jetë i thjeshtë, madje ata kanë krijuar edhe një faqe të re online, www.trusti10.com.
Qytetarët duhet të shkruajnë vetëm numrin personal dhe llogarinë bankare.
“Aplikimi do të jetë tepër I thjeshtë, numri personal dhe llogaria bankare, i lusim qytetarët që këto të dhëna të jenë të sakta. Në bazë të planifikimeve, presim që shumë shpejtë të bëhen edhe pagesat, para datës 22-24, të dalin pagesat për një pjesë të madhe të qytetarëve, para festave”, ka thënë ai.
