Lajme

Të premten, bisedime në Vjenë për dalje nga kriza politike


Publikuar më:


231837

Bashkësia ndërkombëtare për ditën e premte planifikon në Vjenë një takim të liderëve të katër partive më të mëdha në Maqedoni.

Lajmin që i pari e publikoi Alsat-M e konfirmuan edhe nga zyra e Bashkimit Evropian në Shkup. Ndryshe ftesën deri te tre partitë zyrtarisht e dërgojnë tre euro deputetët e përfshirë në arritjen dhe zbatimin e Marrëveshjes së Përzhinës, Ivo Vajgel, Eduard Kukan dhe Riçard Hovit. Por, në Vjenë është paraparë edhe prania e euro-komisarit Johanes Han dhe ambasadorët e BE-së dhe SHBA-ve në Maqedoni, Aivo Orav dhe Xhes Bejli.

Njoftimi për bisedimet në Vjenë vjen vetëm pak ditë pas deklaratës së euro-komisarit Johanes Han, se bashkësia ndërkombëtare nuk do ta njohë qeverinë e re të Maqedonisë, nëse zgjedhjet nuk i vlerësojnë si korrekte dhe demokratike. Sot, diplomati shumë vjeçar amerikan dhe ekspert për Ballkanin, Daniel Server, tha se janë të mundshme sanksione për politikanët maqedonas.

“Mund të ketë sanksione kundër individëve, si ndalim udhëtimi, ngrirje e pronës- edhe ps e nuk pres që të kenë efekt menjëherë. Pastaj nuk duhet harruar se partitë në pushtet ende kanë një ndikim të madh në opinionin publik”, deklaroi profesori Server.

Ndërkohë deri tani asnjëra nga katër partitë politike, VMRO-DPMNE, LSDM, BDI dhe PDSH, nuk janë prononcuar publikisht mbi këtë çështje.

Comments
To Top