29,03,2024

Svarqa: Alma Loki  “ambasadorja” më e re e Kosovës

Must Read

Kryetari i Ferizajt  ka pritur Alma Lokin, kampione e botës në displinën “luftra” në kategorinë deri në 12 vjet.

U shpall kampione e botës në karate, në turneun që u mbajtë në Umag të Kroacisë në displinën “luftra” në kategorinë deri në 12 vjet.  I solli Kosovës edhe një medalje të artë nga arena ndërkombëtarë.  Bëri që sërish flamuri i Kosovës të ngritet i pari.   Por kur u kthye në Kosovë askush nuk gjeti kohë  të dal e ti urojë një mirëseardhje dhe ta falënderoi për suksesin dhe medaljen që i solli Kosovës.

Por Ferizaj nuk e anashkaloi. Alma Lokin sot e ka pritur dhe falënderuar kryetari i Ferizajt,Muharrem Svarqa dhe drejtori i DKR-së Naim  Ferati.

qeqeqeqeqe

Me këtë rast kryetari Svarqa, ka inkurajuar Alma Lokin nga klubi i karatesë moderne “Kastrioti” nga Ferizaj, e cila u shpall kampione e botës, në turneun që u mbajt në Umag të Kroacisë nga data 27 qershor deri më 2 korrik.

“Për mua është një nga emocionet më të veçanta që po përjetoje si kryetar komune, për shkak se pata nderin dhe kënaqësinë të pres mysafire kampionen e botës Alama Lokun e cila tanimë është bërë e njohur me numrin e medaljeve që ka fituar nga të gjitha kampionatet ku ka marr pjesë, si garuese cilësore e cila ka një karriere të ndritshme sipas trajnerëve që po punojnë me të. Po shihet që ku do që po marrin pjesë garuesit e Kosovës, po arrin rezultate të mëdha, që po tregon që jemi pjesë integruese e shoqërisë sportive dhe kjo është edhe arsyeja që ne po integrohemi në të gjitha asociacionet ndërkombëtare të sportit duke treguar performancë tepër pozitive. Unë e përgëzojë Almën dhe të gjithë trajnerët që kanë punuar në ngritjen e këtyre kapaciteteve dhe përkundër asaj që komuna nuk ka pasur mundësi që ti përkrahë sa kanë qenë nevojat e tyre, ne kemi treguar një përkujdesje ndërkaq tani e tutje ne do të bëjmë përpjekje që të rrisim fondet për përkrahjen e sportit dhe jam shumë i sigurt që Alma tashmë i ka hapur dyert në garat e ardhshme dhe do të jetë e përkrahur edhe nga komuna”, ka thënë kryetari Svarqa.

Nga ana tjetër Alma Loku, tha se ndjehet tepër mirë që edhe kryetari i Ferizajt, Muharrem Svarqa, gjeti kohë dhe ta pres ata. Ajo foli edhe për përvojën e saj që ka pasur në Umag të Kroacisë si dhe tregoi edhe eksperiencën e saj në këtë kampionat, duke thënë se e kishte shumë të vështirë pasi që me vete nuk e kishe asnjërin trajner.

“Jam ndje shumë mirë sepse atje ka pasur pjesëmarrëse nga e gjitha bota, dhe jam ndje tepër mirë, sepse kam gëzuar prindërit, por edhe trajnerët e mijë. Unë kam mundur tri karateiste tjera , ndërsa gëzimi im më i madh ka qenë kur kam mundur përfaqësuesin e Rusisë”, ka thënë Loki.

Edhe trajneri i Almës, Raif Musa, është shprehur tejet i kënaqur me pjesëmarrjen e Almës në këto gara. Ai tha se do të mundohen që të punojnë edhe më shumë në mënyre që Alma cdo here të tregoje rezultate të kënaqeshe.

Alma Loki u shpall kampione në displinën “luftra” në kategorinë deri në 12 vjet, duke e mposhtur në finale kroaten Sonja Rajko me rezultat 5 me 0.

Alma Loki në garat e zhvilluara në këtë vit ka fituar gjithsej 17 medalje, prej tyre 16 të arta dhe 1 të argjentë.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img