Lajme

Sputniku rus thotë se vizita e Ramës në Serbi është shenjë se Serbia do ta njohë Kosovën


Publikuar më:


Agjencia e lajmeve ruse “Sputnik”, shkruan se serbët po mendojnë që vizita e kryeministrit shqiptar, Edi Rama në Serbi, në samitin e ardhshëm ekonomik, është një shenjë që Serbia është duke sinjalizuar gatishmërinë e saj për të njohur Kosovën si shtet i pavarur.

Momçillo Trajkoviq, kryetar i Lëvizjes së Rezistencës Serbe nga Kosova, tha për “Sputnik” se ai nuk është i habitur për këtë çështje.

“Autoritetet e Kosovës kanë filluar gradualisht të hapin pikat e kontrollit në Serbinë qendrore dhe ata janë në kërkim të një mënyre për ta justifikuar atë. E gjithë kjo mund të ndodhë ngadalë, por me siguri, e të çojë në njohjen e pavarësisë së Kosovës nga Beogradi”, tha ai.

Delegacioni shqiptar i industrialistëve i kryesuar nga Rama pritet të marrë pjesë në samitin i cili është programuar të mbahet në Nish me 12-14 tetor. Në këtë takim do të jetë edhe një delegacion nga Kosova i udhëhequr nga zëvendësministri i Pushtetit Lokal, Bajram Gecaj, shkruan kjo agjenci.

Comments
To Top