Ferizaj. 09.04.2019. Fshatrat Sojevë, Dardani dhe Zllatar të Ferizajt që nga orët e hershme të ditës së sotme janë pa rrymë elektrike.
Sipas banorëve të këtyre fshatrave që nga ora 5-së e mëngjesit janë pa rrymë elektrike.
Gjat ditës dy herë nga 5 minuta na kanë lëshuar rrymën dhe e kanë ndalur. Ende jemi pa rrymë. Askush nuk na ka dhënë asnjë sqarim se çka është në pyetje, ka thënë një banor i fshatit Sojevë.
Edhe pse shumë herë është raportuar se KEDS po punon në rregullimin e rrjetit këto fshatra gjithmonë kanë qenë viktimë e këtyre ndërprerjeve.
Fshatarët po ankohen se këto ndërprerje jo vetëm që po vështirësojnë edhe jetën normale në këto fshatra ato po u sjellin vështirësi edhe bizneseve të cilat operojnë në këto fshatra.
Ndryshe në paralajmërimin e KEDS-it për ndërprerje të planifikuara nuk ka ndonjë njoftim për ditën e sotme në rajonin e Ferizajt.
Edhe në drejtim të fshatit Gaçkë është lajmëruar se ka të njëjtin problem dhe që nga orët e mëngjesit janë pa energji elektrike , por as edhe për këtë anë nuk ka ndonjë njoftim pse një pjesë e madhe e këtyre fshatrave kanë mbetur në terr dhe kur do tu kthehet furnizimi me energji elektrike.
Ndërprerje të planaifikuara janë lajmëruar vetëm për nesër e të cilat kanë të bëjnë me bizneset në magjistralen për Kaçanik.
Në TS 110/35/10kV Bibaj do të ndërprehet:
LP 35/10kV Silkapori (Kodi: 40045001 dhe 40045002) prej orës 10:00 deri në ora 15:00
Vendet: Silkapori, X- Fort.Renova, Dauti comerc dhe Kivo.
Arsyeja: Shtrirja e kabllit nëntokësor, të tipit XH-E 49 3X150 mm2.
