Lajme

SHBA: Basha bllokoi reformën, deputetët të votojnë individualisht!


Publikuar më:


Ndërkohë që duket se komisioni ad hoc për reformën në drejtësi po has në një tjetër bllokim të orëve të vona, kur është mbledhur që të miratojë atë për të cilën u duk se palët kanë rënë dakord, ka mbërritur edhe një reagim urgjent i Ambasadës së Shteteve të Bashkuara në Tiranë.

Në reagim thuhet:

Ambasada e SHBA është e zhgënjyer që vëren se pas deklarimit të një marrëveshjeje midis qeverisë dhe opozitës, kreu i opozitës, Z. Basha ka paraqitur një kërkesë të re të papranueshme.
Ky zhvillim i fundit na detyron të arrijmë në përfundimin se kjo është një përpjekje e qëllimshme nga kreu i opozitës për ta bllokuar këtë reformë. Paketa e reformës është gati dhe përmbush të gjitha standardet e Komisionit të Venecias, SHBA dhe BE. Nëse Z. Basha nuk i përmbush dot premtimet e tij, Qeveria e Shteteve të Bashkuara iu bën thirrje anëtarëve të parlamentit individualisht ta miratojnë këtë reformë më 21 korrik.

Comments
To Top