Ndërtimi i segmentit të parë të autostradës Nish-Merdar do të nisë nga fundi i vitit.
Kështu ka deklaruar zëvendëskryeministrja dhe ministrja e Ndërtimtarisë, Komunikacionit dhe Infrastrukturës e Serbisë, Zorana Mihajlloviq, raportojnë mediat e Beogradit.
Sipas saj, është në përfundim e sipër dokumentacioni i domosdoshëm për ndërtimin e segmentit të parë të kësaj autostrade, nga Nishi deri në Plloçnik, i gjatë 38 kilometra.
“Kemi garanci të siguruara në buxhet në shumë 200 milionë euro, 100 milionë euro nga Banka Investuese Evropiane dhe 100 milionë nga BERZH-i”, ka thënë Mihajlloviq.
Kjo do të jetë autostrada e parë që do ta lidhë Serbinë me Kosovën.
