29,03,2024

Sejdiu i kërkoi dorëheqjen, i përgjigjet Svarqa: Pse nuk i ruajte votat që i kishte Ibrahim Rugova

Must Read

Anëtari i Kryesisë së LDK-së dhe ish-kryetari i Ferizajt, Muharrem Svarqa i është përgjigjur deklaratës së Fatmir Sejdiut që i kërkoi mbrëmë dorëheqjen atij pas rezultateve në Ferizaj.

Svarqa në “Debat Plus” me Ermal Pandurin në RTV Dukagjini deklaratën e Sejdiut e ka quajtur vlerësim personal, përcjell Telegrafi.

“Sejdiu nuk i ka pasur parasysh të gjitha rezultatet pasi ne në vitin 2017 kemi pasur edhe AKR-në në koalicion që në zgjedhjet lokale kanë pasur mbi 1,500 vota. Po ashtu kemi pasur një pjesë të Alternativës që po ashtu ka pasur efekt pasi kanë pasur një pjesë të familjeve autoritative. Po ashtu kemi pasur në koalicion edhe Partinë e Drejtësisë. Nëse marrim këta faktorë mund të themi se LDK ka shënuar rritje në raport me zgjedhjet e vitit 2017”.

Anëtari i Kryesisë së LDK-së ka thënë se kur ka marrë Degën e LDK-së në Ferizaj me 8,800 vota por në kohën e Fatmir Sejdiut LDK-ja në Ferizaj ka pasur rreth 4,500 vota.

“Kjo është njësoj sikurse ne t’i kërkonim Sejdiut të ruaj votat që kishte LDK-ja në kohën e Presidentit Rugova”.

Svarqa ka thënë se Dega e LDK-së në Ferizaj është fuqia e tretë pas asaj në Podujevë e Pejë.

Ish-kryetari i Ferizajt thotë se edhe numri i madh i kandidatëve që kishte LDK në këtë komunë mund të ketë ndikuar në rezultatin jo të pritur të LDK-së në Ferizaj.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img