Publikuar më:
90 persona kanë vdekur në aksidente nëpër rrugët e Kosovës që nga janari e deri në shtator të këtij viti. Ky numër megjithatë paraqet rënie nga të njëjtat të dhëna për shtatë muajt e parë të vitit 2017.
Policia e Kosovës përmes një komunikate për media ka bërë publike statistikat për aksidentet me lëndime dhe ato me fatalitet për 9 muaj në Kosovë.
Nga të njëjtat, bëhet e ditur se në 69 aksidente fatale deri në shtator të këtij viti, kanë mbetur të vdekur 90 persona, shkruan lajmi.net.
E të njëjtën periudhë të vitit të kaluar, 96 persona humbën jetën nëpër rrugët e Kosovës si pasojë e aksidenteve
Rënie ka shënuar edhe numri i aksidenteve me lëndime.
Këtë vit, për dallim nga ai i kaluari ndodhën 103 aksidente më pak, gjithësej 4668.
Policia e Kosovës me qëllim të ngritjes së nivelit të sigurisë rrugore dhe uljen e aksidenteve, në vazhdimësi ndërmerr aktivitete në zbatim të ligjeve të fushës së trafikut rrugor.
