Ferizaj

Rita Ora e lumtur për muralin me veshje kombëtare në Ferizaj


Publikuar më:


Që nga debutimi i saj në vitin 2012 e deri më tani, ajo mbetet një nga krenaritë më të mëdha të shqiptarëve, anë e mbanë globit.

Artistja shqiptare me renome ndërkombëtare, Rita Ora, e ka theksuar gjithmonë prejardhjen e saj shqiptare.

Ajo madje në klipin “Big” të publikuar gjatë këtij viti, u shfaq me veshje tradicionale kombëtare, të modifikuar nga stilisti Valdrin Sahiti, duke promovuar kështu në tregun ndërkombëtar veshjet tona autoktone.

Tani në nderim të saj ka nisur pikturimi i një murali në qytetin e Ferizajt, në pjesën anësore të një banese.

Është përzgjedhur që imazh i pikturimit të jetë një fotografi e këngëtares shqiptare me veshje tradicionale, ku shfaqet me duar te gjoksi duke bërë simbolin e Shqiponjës.

Murali i Rita Orës në Ferizaj

Me të parë këtë, Rita Ora ndau me ndjekësit e saj në InstaStory një video, nga raportimet e një prej televizioneve të Kosovës, që tregonte punën që po bëjnë artistët për finalizimin e këtij murali.

“Uau, ju më keni nderuar mua nga larg me këtë”, ka shkruar 30—vjeçarja në mbishjrimin e postimit.

Foto: Rita Ora/InstaStory

Përndryshe, kënga “Big” nga EP-ja e saj më e fundit “Bang”, është pritur mirë nga publiku, dhe numëron mbi 10 milionë klikime në kanalin YouTube, dhe miliona të tjerë në platformat e ndryshme të distribuimit muzikor.

Mural Fest Kosova | Rita jonë

Ekipi i Mural Fest Kosova përbëhet 95% prej vajzave e grave të gjeneratave të ndryshme.  Përderisa gjatë viteve kemi parë rritje të numrit të përfaqësimit të grave në hapësira publike, insititucione apo biznese, Mural Fest vazhdimisht angazhohet dhe kontribon në këtë aspekt, gjithmonë përmes aktivitetve artistike.

Prej vitesh është shpallur lufta për barazi gjinore dhe vajzat e gratë po triumfojnë dukshëm ne çdo sferë. Rita Ora, përveç se ka dëshmuar veten në fushën e muzikës me suksese të shumta, ajo së fundi përmes projekteve të saj, ka risjellur në pah edhe artin tradicional që po shkon drejt harresës. Ndërthurja e bashkëkohores me tracionalen, ndihmon në ripërtërtrirjen e kësaj fushe artistike dhe kjo patjetër ndihmon që të njihen edhe vlerat dhe kontributin që gratë kanë dhënë në fushën e artit, përmes kultimivimit të artit në tekstil dhe punëdore tjera. Rita në këtë rast po ndihmon edhe në ngritjen e vetdijës dhe Mural Fest përvec që kishte për qëllim të nderojë atë me këtë mural, shfrytëzon figurën e saj për të shpërndarë këtë mesazh.

Mural Fest ka për qëllim që të transformojë Ferizajn në Qytet të Muraleve, dhe hapësirë të veçantë i jep prezantimit të gruas në hapësira publike, në këtë rast përmes muraleve. Rita Ora është edhe një aset më shumë dhe i kontribon këtij qëllimi, për të cilën jemi shumë mirënjohës.

Ky mural është punuar nga ekipi i Mural Fest Kosova:

– Lebibe Topalli– Drejtoresha Ekzekutive, piktore

– Pranvera Sylejmani – Menaxhere artistike, piktore

– Rrezarta Halili – piktore

– Reema Salihu– lidere e Artivistave, studente e pikturës

– Emona Deda – anëtare e Artivistave, studente e pikturës

Fotot nga Bardha Goga Photographer

To Top