Nëse Marrëveshja për Demarkacionin me Malin e Zi nuk kalon në Kuvendin e Kosovës atëherë vendi mund të shkojë në zgjedhje të parakohshme.
Kështu ka deklaruar deputeti nga radhët e Partisë Demokratike, Elmi Reçica.
Sipas tij, PDK është gjithmonë e gatshme të shkoj në zgjedhje kur është në pyetje interesi i qytetarëve të Republikës së Kosovës.
“Nëse nuk kalon Demarkacioni si parakusht për liberalizim të vizave gjë që i prek qytetarët e Republikës së Kosovës, atëherë Partia Demokratike e Kosovës është e gatshme të shkoj në zgjedhje të parakohshme”, ka thënë Reçica për Telegrafin.
Ndërkohë që kryeministri Mustafa ditë më parë ka thënë se brenda muajit prill do ta procedojë në Kuvend çështjen e demarkacionit.
