Drejtorja e Drejtorisë së Administratës së Përgjithshme, paraditen e sotme, përmes konferencës për media, shpalosi të arriturat në këtë sektor komunal si dhe planet që synohen të realizohen gjatë këtij viti.
Përveç vlerësimit si një vit i suksesshëm për shërbimet që ofron Komuna e Ferizajt, drejtorja e drejtorisë, Aurora Ramadani bëri të ditura edhe sfidat me të cilat janë ballafaqur si sektor gjatë viti që lamë pas. Ajo shtoi se organet e administratës komunale kanë shënuar suksese domethënëse në kuptimin e shërbimit të shpejt e efikas për qytetarët, paçka statistikisht paraqiti edhe kërkesat për shërbime të ndryshme të parashtruara nga qytetarët.
Modernizimi i shërbimeve të administratës komunale, rritja e gamës së veprimeve në drejtim të procesit të digjitalizimit të fondit arkivor si dhe dokumentacioneve tjera zyrtare janë vetëm disa nga synimet e kësaj drejtorie që këtë vit do të realizohen.
Detajet gjeni në videon e plotë të konferencën për media të drejtores së Drejtorisë së Administratës së Përgjithshme.
