28,03,2024

Qeveria ndan Fondin Emergjent për vërshimet, priten që komunat t’i paraqesin kërkesat

Must Read

Kryeministri në detyrë Avdullah Hoti ka njoftuar se, është ndarë Fondi Emergjent për rikuperimin e dëmeve të shkaktuara nga vërshimet e ndodhura javën e kaluar.

Hoti gjatë një konference për medie me kryetarin e Komunës së Gjilanit, Lufti Haziri tha se, janë në pritje të komunave që t’i dorëzojnë raportet përfundimtare.

“Sot kemi marr vendim që të ndahet Fondi për Vërshimet dhe jemi në pritje të komunave që të vijnë me kërkesat”, tha Hoti, përcjell Telegrafi.

Ai ka treguar se janë ndarë 6.5 milionë euro për bizneset individuale.

“Vitin e kaluar në kuadër të Programit të Rimëkëmbjes Ekonomike, kemi marr vendim që të shpërndahen 60 milionë euro për biznese, për kokë të punëtorit, ndërsa sot në Qeveri kemi marr vendimin që të ndahen edhe 6.5 milionë euro për bizneset individuale”, ka treguar ai.

Po ashtu, Hoti ka thënë se, është marr vendimi për rritjen e pensioneve dhe dyfishim të asistencës sociale.

“Ne sot kemi marr vendim që të rriten pensionet, për dyfishimin e asistencës sociale, po ashtu kemi marr vendim prej 1 milionë euro për gratë në ne biznes dhe jemi në përgatitje të masave të tjera”, ka përfunduar Hoti.

Kujtojmë se, shumë komuna të Kosovës javën e kaluar u goditën nga vërshimet pas reshjeve të shiut dhe borës, ku si pasojë u shkaktuan shumë dëme në infrastrukturë rrugore, në kulturat bujqësore, banesa dhe shtëpi banimi.

Lidhur me vlerësimin e dëmeve, drejtori ekzekutiv i Asociacionit të Komunave të Kosovës, Sazan Ibrahimi për Telegrafin kishte thënë se, komunat janë duke bërë llogaritjen e tyre.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img