Banorët e fshatit Prelez të Ferizajt sot u përleshën edhe me policinë duke mbrojtur oborrin e shkollës së fshatit. Banorët e fshatit Prelez të Jerlive sot kishin dalur të mbronin, siç thon ata, në mbrojtje të oborrit të shkollës, pasi që kishin dëgjuar se pronari i cili e kishte blerë para gjashtë viteve një parcelë në një sipërfaqe prej53 ari nga AKP , sot do ti vendoste pikat për të kufizuar siperfaqen e tij.
Me të dëgjuar këtë, disa prelezas ishin vendosur në oborrin e shkollës për ta ndaluar këtë veprim. Ata thonë se nuk është hera e parë që po protestojnë për këtë çështje. Megjithatë, pronari i tokës sot u shfaq për ta shënuar megjën e tokës së tij.
Pak minuta para se të vinin gjeodetët, erdhën një numër i madh i policëve bashkë me njësinë speciale.
Në fillim , ish komandanti i policisë,Qazim Reka, u shpjegojë banorëve se ligji është në favor të pronarit të tokës.
Pasi filluan të vendosen pikat nga gjeodeti, banorët filluan të kundërshtonin ku më pas reagoi njësia speciale e cila arrestoi disa prej tyre. E për disa minuta edhe i larguan banorët nga oborri i shkollës për tu lënë të lirë gjeodetët të kryenin punën e tyre, transmeton Televizioni Tema.
