Ferizaj

Përfaqësues të UShAF, të prirë nga Rektori Bajraktari, qëndruan për vizitë zyrtare në Salzburg të Austrisë


Publikuar më:


Në kuadër të projektit “Krijimi i Qendrave nga Teoria në Praktikë për Inovacion dhe Punësueshmëri”, Rektori i Universitetit të Shkencave të Aplikuara në Ferizaj (UShAF), Prof. Dr. Agron Bajraktari, i shoqëruar nga prorektorët, Prof. Dr. Bujar Pira dhe Prof. Asoc. Dr. Afrim Loku, kanë qëndruar për vizitë zyrtare në Salzburg të Austrisë.

Ky ishte takimi i parë dy ditorë i Komitetit për Sigurimin e Cilësisë i projektit, i cili u mbajt në Universitetin e Shkencave të Aplikuara të Salzburgut dhe kishte për qëllim angazhimin e partnerëve të projektit në menaxhimin e tij, në mënyrë që të sigurojnë cilësinë e projektit dhe të aktiviteteve të projektit konform standardeve, si dhe kërkesave projektit.

Në këtë takim morën pjesë nga 3 përfaqësues të të gjitha institucioneve partnere të projektit.

Gjatë kësaj vizite, delegacioni i UShAF kishte takime të ndara me përfaqësues të  Universitetit të Shkencave të Aplikuara të Salzburgut, me të cilët UShAF ka një bashkëpunim 12 vjeçar, për mundësitë e bashkëpunimit në projekte të ndryshme në të ardhmen.

Projekti “Krijimi i Qendrave nga Teoria në Praktikë për Inovacion dhe Punësueshmëri” është projekt i programit Erasmus+, i financuar nga Bashkimi Evropian, ku UShAF është partner në projekt.

To Top