Lajme

“Pash njërin prej terroristëve të futej në aeroport me kallash”


Publikuar më:


Dëshmitarë të sulmit terrorist në Aeroportin e Stambollit thonë të jenë përfshirë nga paniku i madh.

E këto momente dramatike në aeroportin “Ataturk” ia ka dalë t’iu mbijetojë polici Ahmed Furkan Gurtuna, i cili në momentin e shpërthimit ka qenë tek kontrolla e pasaportave.

“E kam parë njërin prej terroristëve teksa hynte në Aeroport, e që me vete kishte një armë AK-47 dhe nisi të shtinte ndaj civilëve. Policia turke deshi ta vriste, ndërsa më pas kam dëgjuar shpërthimin e bombës”, ka thënë Gurtuna.

Sipas tij, siguria në aeroportin e Stambollit është një prej më të mirave në botë.

Dhe pikërisht për këtë, ai thotë se nuk e di se si ka ardhur deri tek sulmi terrorist.

Së paku 36 persona kanë vdekur dhe rreth 150 të tjerë janë plagosur në sulmin e së paku tre terroristëve, që besohet se u përkisnin Shtetit Islamik.

Comments
To Top