29,03,2024

Deputetët e PDK-së – Pagesa  e  ish punëtorëve të Fabrikës së Tubave nuk hapë Kutinë e Pandorës

Must Read

Ferizaj  12.05.2016–  Ish punëtorët e Fabrikës së Tubave  në orët e mbrëmjes janë vizituar edhe nga deputet e e Parlamentit të Kosovës nga radhët e PDK-së, Elmi Reçica, Agim Aliu  dhe Mexhide Mjaku-Topalli.

Edhe deputetët nga  radhët e PDK-së u solidarizuan me kërkesën e ish punëtorëve të Fabrikës së Tubave që  të zbatohen vendimet e gjykatave dhe  të bëhet pagesa e mjeteve gjë e cila është votuar edhe në Kuvendin e Kosovës nga deputetët.

13234486_10208130494933251_1868178696_o

Elmi Reçica tha se solidarizohen me kërkesat e këtyre punëtorëve dhe  do të bëjnë atë që është në kompetenca të tyre  të ndihmojnë në zgjidhjen e këtij problem.

“Ardhja e jonë këtu tregon  për interesimin tonë për çështjen tuaj të pazgjidhur. Ne që nga dita e parë  kemi bërë rrugëtim të përbashkët për realizimin e të drejtës suaj  që ju garantohet me aktvendimet e Gjykatave të Kosovës, duke filluar nga  Gjykata Themelore e Ferizajt e deri tek Gjykata Kushtetuese. Të gjitha procedurat  janë përmbyllur dhe  ka mbetur që vetëm  Agjecioni i Privatizimit të Kosovës të zbatoi  aktvendimin e Gjykatës. Për këtë janë  nxjerrë edhe rekomandime  nga Parlamenti i Kosovës. Kemi pasur dhjetëra takime  edhe me ish kryeministrin, tani President i Kosovës , Hashim Thaçin. Për këtë Qeveria e Kosovës ka pasur edhe vërejtje nga zyra e përfaqësuesit special të BE-së Zhbogar  për mos respektimin e aktgjykimeve  të Gjykatave të Kosovës. Rasti i juaj është i veçantë, sepse ju keni ndjekur të  gjitha procedurat e rregullta që nga viti 1990. Serbia duhet të paguaj për të gjitha dëmet që  u ka shkaktuar punëtorëve shqiptarë  duke i larguar padrejtësisht nga puna” tha Reçica.

Reçica u tha grevistëve se si deputet do të angazhohen  që këta të kenë një takim edhe me Kryetarin e Kuvendit , Kadri Veselin dhe Kryeministrin Isa Mustafa.

“Shembulli i juaj tregon më së miri  se si kërkohet  e drejta e qytetarit  si ajo individuale  edhe ajo kolektive. Ju keni shfrytëzuar  të gjitha mjetet  juridike për një të drejt tuajën”  ka thënë Reçica.

Deputeti Agim Aliu për kërkesat e këtyre punëtorëve tha se vetëm duhet  vullnet për zbatimin e ligjit, e që është e drejt kushtetuese e  çdo qytetari.

“Nuk ka asnjë arsye të vetme  për mos zbatimin e aktgjykimit të Gjykatës Kushtetuese në rastin e Fabrikës së Tubave. Është rast unik dhe nuk paraqet  hapje të kutisë së Pandorës. Vetëm duhet vullnet  për zbatimin e vendimeve për të treguar se Republika e Kosovës është shtet  dhe respekton vendimet  që merren për qytetarët e e vetë qoftë individual  apo kolektiv. Shembulli i aktgjykimit dhe  luftës së bërë nga ana e punëtorëve të  të Fabrikës së Tubave  tregon më së miri se si  ushtrohet  një e drejtë  e qytetarëve dhe do të duhej  të shërbente si  model  në jurisprudencës se  si ushtrohet një e drejtë” tha Agim Aliu.

Ndërsa deputetja Mexhide Mjaku-Topalli tha se mënyra se si po takohemi këtu është shumë e vështir edhe për ne si deputet të cilët kemi besimin tuaj që të mbrojmë interesat e juaj.

“Ne jemi të gatshëm të ju shërbejmë juve  ashtu siç ju kemi shërbyer .Do të bartim kërkesat e juaja në çdo nivel qendror që ato të realizohen sa me shpejt” ka thënë  Mexhide Mjaku-Topalli.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img