29,03,2024

Pacolli: Qeveria dhe Presidenca cila po tenton të hedhë pluhur në sy qytetarëve

Must Read

largea_1pac11459771564

Presidenti i Aleanca Kosova e Re, Behgjet Pacolli ka thënë se e ka përcjell punën e komisionit ndërkombëtar për demarkacionin e vijës kufitare me Malin e Zi.

Sipas, Pacollit ky komision ndërkombëtar nuk e ka kryer punën siç duhet dhe ka propozuar që të formohet një komision tjetër, i përberë nga ekspertët ndërkombëtar dhe vendor.
“Per Kufirin Kosovë-Mal të Zi.

E përcolla me vëmendje punën e komisionit ndërkombëtar për demarkacionin e vijës kufitare me Malin e Zi. Krejt në mënyrë konstruktive po e them se ky komision nuk e ka kryer punën e vet si duhet. Është shumë interesante se pse në këtë komision nuk është përfshirë asnjë ekspert apo hartograf vendor, i cili do të ofronte ekspertizën e tij. Ky komision duket se e ka pasur funksionin e një “gjykate të apelit” e cila punon vetëm në bazë të dokumentacionit. Ky komision e ka trajtuar vetëm dokumentacionin e komisionit të mëparshëm dhe asnjë argument tjetër shtesë, cka nuk është adekuate.

Këtu shihet qartë serioziteti i kësaj qeverie dhe i presidencës, e cila po tenton të hedhë pluhur në sy qytetarëve të vet.

Unë do të propozoja që të krijohet një komision tjetër, i përberë nga ekspertët ndërkombëtar dhe vendor(njohës të mirë të hartave të Republikave të ish Jugosllavisë të viteve 70), dhe jo me polic kufitar e me njerëz jokompetent. Në botë ka ekspertë të njohur të demarkacionit të cilët do të mund ta jepnin kontributin e tyre profesional që për mendimin tim do të ishte edhe zgjidhje e këtij kontesti.

Edhe Badinteri në procesin e shpërbërjes së Jugosllavisë e ka trajtuar qartë kufirin me Malin e Zi dhe në këtë drejtim, Kosova mund të shërbehet me dokumentacionin e atij komisioni”, ka shkruar Pacolli në Facebook./A.M.

 

 

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img