Ferizaj.19.01.2018. Organizata e OVL-UÇK-së, dega në Ferizaj në mbledhje e mbajtur sot ka dal me qëndrim kundër deklaratës së Nasim Haradinajt. Prononcimin e Haradinajt kjo organizatë e ka quajtur vulgar dhe të dëmshëm për imazhin e Ushtrisë Çlirimtare dhe popullin e Kosovës në përgjithësi
Reagimi i plotë i Organizatës së OVL-UÇK dega në Ferizaj
REAGIM
Organizata e OVL-UÇK dega në Ferizaj, në mbledhjen e mbajtur me datën 19.01.2018, merr qëndrim diferencimi ndaj prononcimit të z.Nasim Haradinajt dhe konsideron se fjalori i përdorur nga z.Haradinaj përmban gjuhë vulgare, gjuhë kjo që nuk është në kulturën e Organizatës së Veteranëve të Luftës së UÇK-së. Kjo gjuhë e përdorur është e panevojshme, e dëmshme për imazhin e Ushtrisë Çlirimtare dhe popullin e Kosovës në përgjithësi. Kërkojmë nga Selia Qendrore e OVL-UÇK-së që të shtojë ndikimin dhe prononcimet e tilla individuale të ndërpriten njëherë e përgjithmonë.
Gjithashtu protestojmë edhe për manipulimin që është bërë me peticionin e OVL-UÇK-së, për shfuqizimin e Gjykatës Speciale.
Kryesia e OVL-UÇK dega në Ferizaj, Kryetari Rafiz Sejdiu!
