Anëtari i Kryesisë së AAK-së Muharrem Nitaj, ka deklaruar se nuk është aspak e vërtetë se Aleanca për Ardhmërinë e Kosovës, është duke u ofruar me partitë në pushtet, raporton GazetaBlic.
Ai ka thënë, se AAK-ja jo vetëm vija të kuqe, por për pushtetin actual ka vënë një kryq të madh.
“Ka disa opozitarë e pushtetarë që së bashku me mediat e tyre, ranë copë ta dezinformojnë opinionin publik se si AAK po ofrohet me pushtetin, po ofrohet me PDK-në dhe se si nuk paska linja të kuqe. Për të gjithë ata, kam vetëm një fjali: AAK jo vetëm që ka linja të kuqe me partitë në pushtet (PDK-LDK), por atyre ju ka vënë një kryq të madh të kuq”, ka shkruar Nitaj në facebook.
Si rrjedhojë e kësaj, ai ka bërë thirrje që kjo temë të konsiderohet e mbyllur.
“Prandaj, mbylleni këtë storie se u bëtë bajat. Natyrisht nëse kuptoni shqip”, ka shtuar ai. /GazetaBlic/
