19,03,2024

Nesër fillon greva e mjekëve në të gjitha institucionet shëndetësore

Must Read

Federata e Sindikatave të Shëndetësisë së Kosovës ka bërë të ditur se nesër do të futen në grevë nga ora 07:00 e mëngjesit deri në 15:00.

Sipas komunikatës së FSSHK-së, kërkesat e punëtorëve shëndetësorë nuk janë marrë parasysh dhe se këta të fundit s’kanë marrë përgjigje e as nuk është caktuar ndonjë takim me krerët institucionalë, shkruan lajmi.net.

Mjekët kërkojnë mirëkuptim nga qytetarët e Kosovës për grevën dhe thonë se punëtorët shëndetësorë po e shfrytëzojnë të drejtën e tyre ligjore.

Njoftimi i plotë:

Këshilli Qendror Grevist i FSSHK-së njofton opinionin e gjerë dhe të gjithë punëtorët shëndetësor se deri në këto momente nuk është ofruar asnjë përgjigje e as nuk është caktuar ndonjë takim me krerët institucional në lidhje me kërkesat e adresuara tashmë publike.

Andaj Greva e Përgjithshme e caktuar për nesër e Enjte datë 25.11.2021 do të mbahet duke filluar nga ora 07:00 e mëngjesit deri në ora 15:00 në të gjitha institucionet shëndetësore publike të Republikës së Kosovës.

Këshilli Qendror Grevist kërkon mirëkuptim nga qytetarët e Republikës së Kosovës gjatë Grevës respektivisht solidarizim me punëtorët shëndetësor të cilët po e shfrytëzojnë një të drejtë ligjore për kërkesat sublime të tyre siq janë kushte më të mira për punë dhe mirëqenie sociale.

Grevën nuk e duam ne por atë po na e imponon injoranca e Qeverisë së Republikës së Kosovës.

- Advertisement -spot_img
Të fundit

Voziti me patentë të konfiskuar, gjobitet 25-vjeçari me 300 euro dhe i vazhdohet masa për 6 muaj të tjerë

Është gjobitur një 25-vjeçar në Ferizaj, i cili u zu nga policia duke vozitur kur atij iu kishte ndaluar...

More Articles Like This

- Advertisement -spot_img