29,03,2024

Në prag të festës së Bajramit, Komuna e Ferizajt ndihmoi me pako ushqimore, higjienike e veshmbathje 120 familje ferizajase në nevojë

Must Read

Në prag të festës së Bajramit, Komuna ndihmoi me pako ushqimore, higjienike e veshmbathje 120 familje ferizajase në nevojë. Për afro 100 ditë u ndihmuan afro 5000 familje në nevojë

Komuna e Ferizajt si asnjë komunë tjetër, iu gjend pranë me pako ushqimore, higjienike e veshmbathje, mijëra familjeve në nevojë që pandemia e virusit COVID-19 i solli në vështirësi ekonomike. Janë plot 5000 pako ushqimore, higjienike e veshmbathje përmes së cilave u ndihmuan 5000 familje ferizajase, apo përkthyer në përqindje mbi 20% e popullatës. Aksioni nisi që në ditët e para të pandemisë, ku bizneset vullnetmira ferizajase iu përgjigjën pozitivisht përpjekjes së Kryetarit të Ferizajt, Agim Aliu duke ndihmuar me mijëra pako ushqimore e higjienike. E ky i fundit, i pari i Ferizajt, Agim Aliu në shtabin emergjent të kryesuar prej tij, krijoi ekipin e veçantë për pakot sociale të cilat çdo familje, çdo personi që kërkoi ndihmë iu përgjigj pozitivisht.

Statistikisht, me afro 1600 pako ushqimore, higjienike e veshmbathje u ndihmuan komunitetet joshumicë, rome, ashkanli, egjiptian, serb, boshnjak, e pjesë e veçantë e mbështetjes ishin edhe organizatat me bazë komunitare të personave me nevoja të veçanta, sindromën Down, nënat vetushqyese, gratë viktima të dhunës seksuale gjatë luftës, familjet strehuese, qendrat e kujdesit ditor, shoqata e të verbërve dhe me shikim të dobësuar, shoqatat e daluara nga lufta e me një bashkëpunim të shkëlqyeshëm me kryetarët e fshatrave e zonave urbane u shpërndanë afro 1800 pako për familjet në nevojë në zonën urbane e rurale, kurse pjesa tjetër u shpërnda për familjet në asistencë sociale, qytetarët që u paraqitën me kërkesën për ndihma në ekipet emergjente, Qendrën Operative Emergjente Lokale, Drejtorinë e Shëndetësisë dhe Mirëqenies Sociale si dhe sipas skemave mbështetëse për skamnorët të përpunuara këto nga Qendra për Punë Sociale.

E me 200,000 eurot që ndau Komuna e Ferizajt si fond emergjent në funksion të pandemisë, u blenë mijëra pako që iu dhuruan familjeve në nevojë. I gjithë ky aksion, tash e gati 100 ditë pati mbështetjen e pakursyer, mbikqyrjen e drejtpërdrejt e gatishmërinë për të ndihmuar nga vet i pari i qytetit, Agim Aliu dhe drejtorit të Shëndetësisë e Mirëqenies Sociale, Bekim Ademi.

Ky aksion shumëditor, u udhëhoq e u bart nga zyrtarët komunal: Mërgim Sojeva, Bashkim Haxhimusa, Suzana Mustafa, Agon Zhinipotoku, Misin Osmani, Albion Sherifi, Edmond Rexhepi, Ahmet Hoxha e Shefqet Dalipi përmes së cilëve qarkulluan këto mijëra pako, e për të cilën Komuna e Ferizajt shpreh mirënjohje e falënderim publik.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img