29,03,2024

Në bibliotekën “Sadik Tafarshiku” hapet këndi i Arkivit të Republikës së Shqipërisë

Must Read

Pasditen e sotme, në ambientet e Bibliotekës “Sadik Tafarshiku” në Ferizaj, nënkryetari i Komunës, Arton Gavazi, bashkë me drejtoren e Kulturës, Rinisë dhe Sportit, Xhemile Murati Shabani, duke mirëpritur drejtorin e Inspektimit dhe Trajnimeve në Drejtorinë e Përgjithshme të Arkivave në Republikën e Shqipërisë, z. Endrit Musaj dhe përgjegjësin e sallës së studimeve në DPA, Myrteza Sharra, përuruan Këndin Arkivor në sallën e studimeve të Bibliotekës “Sadik Tafarshiku”.

Ky shërbim i ri, i mundësuar si rrjedhojë e marrëveshjes mes Komunës së Ferizajt dhe Drejtorisë së Përgjithshme të Arkivave të Republikës së Shqipërisë, i ofron studiuesve e gjithë komunitetit shkencor në Ferizaj e më gjerë, materiale të ndryshme arkivore, tashmë të digjitalizuara nga Drejtoria e Përgjithshme e Arkivave të Republikës së Shqipërisë,  të cilat lehtësojnë studimin e të interesuarve në Ferizaj dhe kursejnë kohën e mjetet financiare të studiuesve të cilët deri më tani kanë udhëtuar në Shqipëri për të siguruar materialet e tilla.

Nënkryetari Gavazi dhe drejtorja Murati Shabani, deklaruan se hapja e Këndit Arkivor në Ferizaj, paraqet një hap të rëndësishëm përmes së cilit, studiuesit e hulumtuesit e ndryshëm ferizajas do të kenë qasje në materiale arkivore të vlefshme me të cilat disponon Drejtoria e Përgjithshme e Arkivave në Republikën e Shqipërisë.

Në anën tjetër, drejtori i Inspektimeve dhe Trajnimeve në Drejtorinë e Përgjithshme të Arkivave në Republikën e Shqipërisë, Endrit Musaj, falënderoi Komunën e Ferizajt që mundësuan që nga kjo marrëveshje e dyanshme të përfitojnë studiuesit në gjetjen, hulumtimin e materialeve të ndryshme arkivore me të cilat disponon Drejtoria e Përgjithshme e Arkivave në Shqipëri.

Shërbimi arkivor tashmë është lansuar dhe studiuesit e të gjithë të interesuarit mund të qasen menjëherë në dobi të kërkimeve/hulumtimeve të tyre.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img