Sot ka ndërruar jetë nëna e dëshmorit Brahim Ademi, Nëna Selë. Me këtë rastë familjen e Dëshmorit e ka ngushëlluar edhe kryetari i Ferizajt, Agim Aliu.
Aliu në telegram ka shkruas se kjo ishte dhembje për ne dhe familjen, për familjarët e dëshmorëve e organizatat e luftës së UÇK-së që humbën të urtën plakë, fisniken grua, nënën Selë.
Ky është telegram i plotë i ngushëllimit nga kryetari Agim Aliu.
TELEGRAM NGUSHËLLIMI
Më pikëlloi pa masë, lajmi që mora mëngjesin e sotëm, që kësaj bote i dha lamtumirën, nëna e Dëshmorit të Kombit, Brahim Ademi, Sela Ademi.
Nëna Selë, si shumë nëna Kosove, i dha lirisë, birin e saj. Sot, ajo mbylli sytë përgjithmonë, në lirinë që ëndërroi biri i saj dhe i kombit, dëshmori Brahim Ademi.
E dashur, e qeshur e plot jetë ishte nëna Selë, krenare si çdo nënë heroike që më të dashurit, ia falën Kosovës. Dhembje për ne dhe familjen, për familjarët e dëshmorëve e organizatat e luftës së UÇK-së që humbën të urtën plakë, fisniken grua, nënën Selë.
Ngushëllime të sinqerta familjes Ademi, miqve e të njohurve të të ndjerës!
