Ferizaj

Ndahet nga jeta Abdullah Hoxha


Publikuar më:


Pas një sëmundje të rëndë është ndarë nga jeta veprimtari Abdullah Hoxha.Jeta dhe veprimtaria e tij politike është e lidhur ngushtë me atë të familjes.Babai i tij Hyseni, si nacionalist ka qenë pjesmarrës i luftës së Ferizajt, ndërsa i vëllai, Ahmeti , i vrarë në burgun e Dubravës, njëri ndër komandantët e parë të UÇK-së dhe bashkëluftëtarë i komandantit legjendar,Adem Jashari.
I ndjeri me profesion ka qenë ekonomist dhe për dy mandate këshilltar në Kuvendin komunal të Ferizajt.Ka qenë njëri ndër themeluesit e Partisë Shqiptare Demokristiane të Kosovës(PSHDK) si dhe anëtar i LDK-së.Prapa vetës ka lënë familjen,ndërsa bëhet e ditur se varrimi i tij do të bëhet sot pasdite ne fashatin e tij të lindjes Pleshinë.

Kryetari i Ferizajt Agim Aliu ka ngushëlluar familjen Hoxha me rastin e vdekjes së asamblistit të shumë legjislaturave në Ferizaj.

Vdekja e parakohshme e asambleistit të disa legjislaturave, Abdullah Hoxha ka pikëlluar të gjithë bashkëpunëtorët, miqtë e familjarët.

Me këtë rast, i pari i Ferizajt, Agim Aliu ka dërguar telegram ngushëllimi për familjen Hoxha dhe miqtë e të ndjerit.

“E respektuara familje Hoxha! Me pikëllim të thellë mora lajmin për vdekjen e familjarit tuaj, mikut e bashkëpunëtorit tonë në jetën publike, delegatit të zërit qytetarë në disa legjislatura të Kuvendit të Komunës, Abdullah Hoxha. Të ndjerin do ta kujtojmë përherë me dashamirësi e vullnetplotë në kryerjen e detyrave. I lehtë i qoftë dheu i Kosovës. Ngushëllime!” shkruan në telegramin e ngushëllimit, Kryetari i Ferizajt, Agim Aliu.

To Top