Publikuar më:
Faqja e njohur National Geographic ka publikuar një artikull për dhjetë vendet e mahnitshme nëpër botë, të cilave u duhen turistët.
Në mesin e këtyre dhjetë vendeve gjendet Kosova. Faqja e njohur për Kosovën ka shkruar se njihet për kulturën e kafesë, sidomos në Prishtinë ndërsa ka lavdëruar edhe turizmin malor, transmeton Koha.net.
“Shteti më i ri në Europë nuk ka qenë destinacion i turistëve më herët, por sot, Kosova është vend tërheqësh dhe destinacion për udhëtime aventureske”, shkruan National Geographic.
National Geographic këshillon turistët që të vizitojnë Kosovën për kafetë e Prishtinës, qytetin mesjetar të Prizrenit dhe Malet e Sharrit.
Faqja e njohur gjithashtu lavdëron edhe të rinjtë e Kosovës, që shumica prej tyre dinë gjuhën angleze ndërsa një pjesë e madhe e të rriturve dinë pjesërisht gjermanisht.
