Lajme

Myftiu Tërnava merr pjesë në ceremoninë e përfundimit të hivzit të pesë hafizëve në Institutin e Hifzit “Medreseja e Madhe” në Gjakovë


Myftiu i Republikës së Kosovës Naim ef. Tërnava me bashkëpuntorë mori pjesë në ceremoninë e përfundimit të hivzit të pesë hafizëve, nxënës në Institutin e Hifzit “Medreseja e Madhe” në Gjakovë. Ai duke uruar hafizët e rinj për këtë arritje të madhe theksoi vlerën dhe rëndësinë që ka ruajtja e Kuranit në memorien e njeriut. Ai më tutje theksoi se tash e gjashtëqind vjet po vazhdon mësimi dhe nxënia e Kuranit përmendsh në mesin e shqiptarëve dhe kjo është bërë falë hoxhallarëve dhe prijësve fetarë. Shqiptarët janë të lidhur me Kuranin dhe falë kësaj sot ka shumë hafizë, misioni i të cilëve është bartja e dijes tek gjeneratat e reja. “Kur ne filluam punën këtu pakkush ka besuar në këto suksese që ne sot po i shohim, por ja sot emir i këtij Instituti është I njohur anekënd botës. Ne po e shohim praktikisht daljen e hafizëve të rinj dhe janë për t’u përgëzuar për këtë arritje
Në këtë eveniment mori pjesë edhe hoxha i mirënjohur nga Turqia, Osman Nuri Topbash, i cili përshëndeti këtë mexhlis dhe uroi për këta hafizë të rinj duke u dëshiruar suksese të mëtejme në fushën dhe sfidat që i presin para vetes.
Uvejs Murtezi nga Shkupi është shembulli më i theksuar, hifzin e kishte filluar në Shkup por kishte vendosur që ta vazhdonte dhe e vazhdoi këtu në Gjakovë. Ai hifzin e ka filluar në shtator të vitit 2016, kurse përfundimin e hifzit e ka bërë më 1 gush të vitit 2017. “Ishte një mision shumë i rëndë, por në mbështetje në Allahun gjithçka mund të arrihet dhe i thërras të gjithë të rinjtë që t’i përkushtohen leximit dhe hifzit të Kuranit.”-shprehet ai.
Nga ky Institut nga viti 2005 deri më tash kanë dalë 35 hafizë, ndërsa për të nxënë përmendsh Kuranin në këtë drejtim janë edhe shumë nxënës të tjerë.
Në këtë ceremoni të diplomimit të hifzit tre hafizë të rinj janë nga Maqedonia, kurse dy nga Kosova

To Top