Lajme

Mungesa e Kartonit të Gjelbër, goditje për diasporën e për ekonominë e vendit


Publikuar më:


Mos-anëtarësimi i Kosovës në Këshillin e Byrove e rrjedhimisht aplikimi i tarifës së sigurimit kufitar po vazhdon të godas diasporën, ekonominë e vendit por edhe qytetarët e Kosovës, e kjo, sidomos do të jetë e shprehur pas liberalizimit të vizave.

Kështu ka thënë Ministri i Diasporës, Valon Murati, në mbledhjen e Këshillit Kombëtar për Zhvillim Ekonomik ku ka kërkuar nga BKS që të raportojë për rrugët që duhen ndjekur për të hequr këtë barrierë.

“Sot në mbledhjen e Këshillit Kombëtar për Zhvillim Ekonomik kërkova nga Byroja Kosovare e Sigurimeve, e cila edhe mori obligim, që në mbledhjen e radhës të vij me një raport me propozime për rrugët që duhet të ndiqen për eliminimin e kësaj tarife”, ka thënë ministri i Diasporës, Valon Murati.

Ministri tha se përfaqësuesi i BSK-së e ka njoftuar se shumë shpejt do të fillojë aplikimi i pagesave on-line të sigurimeve kufitare si një lehtësim logjistik për bashkatdhetarët tanë.

Comments
To Top