Ferizaj.01.01.2019. Në orët e para të 1 Janarit, pas ndërrimit të motmoteve, Ministri i Brendshëm, Ekrem Mustafa ka vizituar Stacionit e Policisë Rajonale në Ferizaj.
Me këtë rast Ministri Mustafa ka inkurajuar dhe ka falënderuar policinë Rajonale në Ferizaj për punën që po bëjnë për sigurinë e qytetarëve .
“Kam ardhur në këto orë të para të këtij viti të ju japë përkraje morale për punën që po bëni në drejtim të sigurisë së qytetarëve të Ferizajt dhe regjionit.Puna e juaj dhe e policisë së Kosovës është e një rëndësie shumë të madhe dhe kërkon një angazhim dhe përkushtim shumë të madh. Por rastet e fundit kanë paraqitur edhe nevojën për një angazhim dhe një plan operativ kundër dukurive negative. Sidomos rasti i sotëm në Ferizaj na shtynë që kahjen e operacioneve ta orjentojme më shumë nga këto dukuri të grabitjeve të cilat kanë qenë të shprehura ditëve të fundit në gjithë territorin e Kosovës. Për këtë Policia e Kosovës është e gatshme të operoj dhe sipas planit operativ kundër këtyre dukurive. Vetëm dje policia e Kosovës ka kryer 40 raste të intervenimeve në kërkim të kryesve të këtyre veprave.” ka thënë Mustafa.
Në anën tjetër zëvendës Komndanti Regjional i Policisë Basri Shabani ka njooftuar Ministrin Mustafa për punën e Policisë Regjionale të Ferizajt dhe sfidat që po e përcjellin.
“Sipas raporteve që kemi deri më sot Ferizaj ka qenë një nga qytetet më të qeta në Kosovë. Pas rasteve të ditëve të fundit e sidomos të grabitjeve të armatosura kemi pasur të angazhuar më shumë forca në mbikqyrje të suituatës. Kryesisht kemi mbajtur nën kontrollë Bankat që gjenden në qytetin e Ferizajt dhe këmi pasur një rritje të efektivave të policisë edhe rreth bizneseve të mëdha të cilat ditëve të funditkanë qenë object i sulmeve të armatosura. Rasti i mbëmshëm ka qenë në një biznes të vogël dhe në qendër të qytetit ku edhe intervenimi ka qenë më i vështirë. Pos sipas informative që i kemi hetimet janë në rrugë të mirë që këta persona shumë shpejt do të sillen para drejtësisë” ka thënë zëvendës Komandanti Basri Shabani.
Ministri Mustafa me këtë rast ka njoftuar pjestarët e policisë së Ferizajt se Ministria e Brendshme është duke përgatitur ligjin për sigurim shëndetësor dhe atë jetësor të policisë
“Jemi duke përgatitur edhe ligjin e sigurimit shëndetësor dhe jetësor për policinë, pasi ky profesion është më i rrezikuari, e këtë po e tregojnë edhe ngjarjet e fundit. Jemi duke punuar që efektivët e policisë të cilët në shumicën e rasteve po rrezikojnë edhe jetën e tyre në mbrojtje të rendit dhe qetësisë të jenë të siguruar” ka thënë Ministri Mustafa
Ministri Mustafa tha se përveç planeve operative të policisë është duke u biseduar edhe mundësia që Banka Qendrore e Kosovës të shiqoj edhe Licencat e punës së Bankave në Kosovë.
“Do të kërkojmë nga Banka Qendrore që të mosu lëshohen licenca Bankave pa i plotësuar kushtet e sigurisë. Testimet e fundit të bëra nga policia kanë treguar se shumë banka nuk kanë siguri të mjaftueshme për veprimtaritë të cilat i zhvillojnë në Kosovë” ka thënë Mustafa.
Pas vizitës në Drejtorin rajonale të Ferizajt, Ministri Mustafa ka vizituar edhe Brigadën e Zjarrfikësve në Ferizaj
