Ferizaj

Mësohet arsyeja e vrasjes në Ferizaj, ishin në hasmëri qe një kohë të gjatë!


Publikuar më:


Mentor Aliu është personi që është vrarë sot në Ferizaj si pasojë e të shtënave me armë që kanë ndodhur në rrugën “Ahmet Kaçiku”, në afërsi të stacionit të autobusëve. Nga burime të sigurta brenda organeve të hetuesisë bëhet e ditur se  vrasja ndodhi për shkak  të një hakmarrjeje.

Listës së të vrarëve nga arma e zjarrit në Kosovë iu shtua sot emri i 25-vjeçarit Mentor Aliu nga Ferizaj. Një hakmarrje e vjetër mes familjes së viktimës dhe të dyshuarit, mund të ketë qenë  shkaku i vdekjes së të riut. Bazuar gjithnjë në këto dyshime, vite më parë një familjar i viktimës e ka vrarë një familjar të të dyshuarit.

“Motivi është hakmarrje. Një familjar i viktimës e ka vrarë më herët një familjar të të dyshuarit. Gjithçka po hetohet nga prokuroria”, tha një burim i besueshëm .

Rasti po hetohet si “vrasje e rëndë” që sipas policisë ndodhi rreth orës 12:30 në rrugën ”Ahmet Kaqiku” në Ferizaj. Në vendin e ngjarjes kanë dalë njësitet policore si dhe ekipi mjekësor, ku pas ekzaminimit nga ana e mjekut është konfirmuar se viktima e rastit Mentor Aliu  kishte ndërruar jetë.

Pas hetimeve fillestare, hetuesit policor kanë arrestuar të dyshuarin kryesor lidhur me këtë rast. Bëhet fjalë për SH.R., 17-vjeçar. Njëherit është gjetur dhe konfiskuar arma me të cilën dyshohet se është kryer vepra.

“Në vendin e ngjarjes ka dalë edhe Prokurori i Shtetit dhe me urdhër të tij trupi i pajetë i viktimës është dërguar në Institutin e Mjekësisë Ligjore në Prishtinë për obduksion”, tha policia.

Ndryshe, Gjykata në Ferizaj në vitin 2017 kishte shpallur fajtor Meriton Aliun (vëllain e tashmë të ndjerit, Mentorit) për vrasjen e 20 vjeçit Samir Rexha.

Aliu u dënua me 15 vjet burgim rreth vrasjen të ndodhur në gusht të vitit 2016.

Dëshmitarë, gjatë gjykimit, kishin treguar se Aliu e Rexha kishin hyrë duke biseduar në hyrje të një banese në Rrugën “Rexhep Bislimi” dhe më pas kishin dëgjuar të shtëna që i shkaktuan vdekjen Rexhës.

To Top