29,03,2024

Mbështetet agjenda evropiane e Kosovës

Must Read
Zëvendësministri i Integrimit Evropian, Ramadan Ilazi, ka pritur të enjten në një takim një delegacion me zyrtarë të lartë të Ministrisë së Punëve të Jashtme të Estonisë i kryesuar nga Mart Laanemae. Gjatë këtij takimi është diskutuar për agjendën evropiane të Kosovës e në mënyrë të veçantë për hyrjen në fuqi të Marrëveshjes së Stabilizim Asociimit (MSA), si dhe për procesin e liberalizimit të vizave për kosovarët.
Zëvendësministri Ilazi, fillimisht e ka falënderuar delegacionin estonez për përkrahjen e vazhdueshme që Republika e Estonisë i ka ofruar Republikës së Kosovës, si dhe ka vlerësuar bashkëpunimin bilateral ndërmjet dy vendeve.
Më tej ai ka njoftuar estonezët edhe për angazhimin e institucioneve në drejtim të përmbylljes së procesit të liberalizimit të vizave, duke theksuar se Kosova ndodhet në një fazë vendimtare, sa i përket këtij procesi, pasi ka përmbushur kriteret e përcaktuara. Po ashtu zëvendësministri Ilazi, ka nënvizuar se institucionet e Kosovës janë të përkushtuara për zbatimin e MSA-së brenda afateve të përcaktuara.
Ndërkaq, nënsekretari për Marrëdhënie Evropiane dhe Transatlantike në Ministrinë e Punëve të Jashtme të Estonisë, Mart Laanemae, ka rikonfirmuar mbështetjen e shtetit të tij ndaj agjendës evropiane të Kosovës përfshirë edhe procesin e liberalizimit të vizave.
- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img