29,03,2024

Limaj e Bytyqi i kërkojnë SBASHK-ut ndaljen e grevës

Must Read
Zëvendëskryeministri i Kosovës, Fatmir Limaj, bashkë me ministrin e Arsimit, Shkencës dhe Teknologjisë, Shyqiri Bytyqi, kanë pritur sot në takim përfaqësues nga Sindikata e Bashkuar e Arsimit, Shkencës dhe Kulturës e Republikës së Kosovës (SBASHK), të kryesuar nga kryetari i saj, Rrahman Jasharaj. Në këtë takim është diskutuar rreth grevës së filluar në arsim.

Zëvendëskryeministri Limaj është njoftuar nga përfaqësuesit e SBASHK-ut për situatën aktuale rreth grevës në arsim, për të cilën Jasharaj tha se ka qenë një vendim tejet i vështirë edhe për SBASHK-un, mirëpo, sipas Jasharajt, nuk kanë pasur alternativë tjetër, pasi që kërkesat e tyre për ngritjen e koeficienteve për të punësuarit në sektorin e arsimit nuk janë plotësuar.

Zëvendëskryeministri Limaj e njoftoi SBASHK-un se ai personalisht, por edhe Qeveria është duke e trajtuar me shumë seriozitet çështjen e trajtimit të sektorit të arsimit në projektligjin për pagat, bën të ditur një njoftim nga Qeveria.

“Limaj shprehu gatishmërinë e tij të plotë se do të angazhohet edhe më tutje për të bashkëpunuar me institucionet përkatëse qeveritare, por edhe me komisionet dhe grupet parlamentare për të gjetur një zgjidhje të përballueshme për mundësitë buxhetore të shtetit të Kosovës, por edhe që i trajton në mënyrë të dinjitetshme të gjithë të punësuarit në sektorin e arsimit dhe jo vetëm”, thekson njoftimi.

Sipas njoftimit, Limaj theksoi se e mirëkupton situatën rreth grevës, por për faktin se dëmtimi i procesit mësimor është dëmtim i të ardhmes së vendit tonë, tha se pret nga SBASHK-u që të reflektojë, në mënyrë që të zgjidhet kjo çështje përmes dialogut dhe rrugëve institucionale, në të cilat beson më shumë.

Edhe ministri i Arsimit, Shkencës dhe Teknologjisë, Shyqiri Bytyqi, në këtë takim ka folur rreth gjendjes se krijuar, ku e ritheksoi se janë kundër grevës për faktin se si e tillë e dëmton procesin arsimor dhe sjellë pasoja të mëdha për nxënësit tanë, të cilët nuk janë fare fajtor për këtë situatë. 

Bytyqi theksoi se MASHT është angazhuar shumë rreth kësaj çështje, madje edhe në bashkëpunim me SBASHK-un, e ku veçoi kërkesën e MASHT-it pranë Ministrisë së Administratës për ngritjen e koeficienteve për të gjithë të punësuarit në sektorin e arsimit në projektligjin për pagat, ku pas kësaj kërkese ka pasur një rritje të lehtë të këtyre koeficienteve por jo aq sa e meritojnë të punësuarit në arsim, thekson njoftimi.
Lexo më shumë në: http://m.gazetaexpress.com/lajme/limaj-e-bytyqi-i-kerkojne-sbashk-ut-ndaljen-e-greves-615910/?fbclid=IwAR0exVnQY0IPUlQGNmgt5carKMa1MbjsX1sLh679ABMVj02nTUq0DfiUVyo?utm_source=referral&utm_medium=web&utm_campaign=copyright

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img